Рыгор Кастусёў
Рыгор Кастусёў нарадзіўся ў Магілёўскай вобласці 17 красавіка 1957 года. З 1989 года актыўна ўдзельнічаў ў грамадскім і палітычным жыцці Беларусі. Уступіў у партыю "Беларускі народны фронт", у 1993 годзе быў абраны кіраўніком Шклоўскай раённай арганізацыі БНФ, з 1996 года стаў сябрам Рады БНФ. Быў кандыдатам ў прэзідэнты ад Партыі БНФ на прэзідэнцкіх выбарах 2010 года. 30 верасня 2017 года на з'ездзе Партыі БНФ абраны старшынёй партыі.
У 2021 годзе быў затрыманы ў рамках справы аб «дзяржперавароце». У 2022 годзе быў асуджаны да 10 гадоў у калоніі. У зняволенні ў Рыгора Кастусёва абвастрыліся праблемы са здароўем. У яго выявілі анкалагічнае захворванне.
АКТУАЛЬНЫ АДРАС РЫГОРА МОЖНА ЗНАЙСЬЦІ НА ЯГО АСАБІСТАЙ СТАРОНЦЫ НА САЙЦЕ ПЦ "ВЯСНА". АДТУЛЬ ЖА ПРАЗ АДПАВЕДНУЮ СПАСЫЛКУ МОЖНА ДАСЛАЦЬ ПАЛІТЗЬНЯВОЛЕНАМУ ПАШТОЎКУ.
"Валадарка, Валадарка..."
Валадарка, Валадарка,
Колькі ў назве той тугі.
Дзе жыццё ідзе не шпарка,
Быццам бы «на поўнагі».
Тут даўно ўсё змяшалась:
Час вякоў, што не забыт,
Лёсы ўсіх, каму дасталась
Паспытаць мясцовы быт.
У сценах гэтых гістарычных
Дух пакут ад даўніны.
Дуніна — часоў трагічных,
Коласа — начныя сны.
Ці прадставіць мог Пішчалаў,
Як тут доўгія гады
Усіх карала і знішчала
Сіла зла, людской бяды.
Два стагоддзі ўсё без зменаў
Адбываецца працэс.
І ў наш дзень да гэтых сценаў
Не дайшоў людскі прагрэс.
Ды надзеі не губляе
Годны люд, што тут сядзіць.
Волі сцяг шчэ залунае,
Каб свабодзе, праўдзе быць.
"У свеце ёсць шмат разнастайных краін..."
У свеце ёсць шмат разнастайных краін,
Жывуць дзе палякі, вугоры, румыны,
Квітнеюць яны, ці паўсталі з руін,
Раднейшы для нас – водар нашай Радзімы.
Блакіты азёр і прасторы палёў,
Што песцілі нас бесклапотным дзяцінствам,
Сцяжынкі да рэк, да шумлівых бароў –
Апора і повязь прад нашым адзінствам.
Куды б ні закінуў нас лёс у жыцці
Ды колькі б нам ліха наш шлях замінала,
Прыстойна і годна мы мусім прайсці
Яго, каб нас гэта ўсё болей яднала.
Усе мы: Алесі, Рыгоры, Змітры –
Сыны дарагой нам усім Беларусі!!!
І побач – Барысы, Міколы, Пятры…
Галіны, Паліны, Вальжыны, Андрусі…!!!
У мове і ў вершах, у светлых людзях, што ў цёмных месцах, – Беларусь Жыве.
Рыгор Кастусёў
Рыгор Кастусёў нарадзіўся ў Магілёўскай вобласці 17 красавіка 1957 года. З 1989 года актыўна ўдзельнічаў ў грамадскім і палітычным жыцці Беларусі. Уступіў у партыю "Беларускі народны фронт", у 1993 годзе быў абраны кіраўніком Шклоўскай раённай арганізацыі БНФ, з 1996 года стаў сябрам Рады БНФ. Быў кандыдатам ў прэзідэнты ад Партыі БНФ на прэзідэнцкіх выбарах 2010 года. 30 верасня 2017 года на з'ездзе Партыі БНФ абраны старшынёй партыі.
У 2021 годзе быў затрыманы ў рамках справы аб «дзяржперавароце». У 2022 годзе быў асуджаны да 10 гадоў у калоніі. У зняволенні ў Рыгора Кастусёва абвастрыліся праблемы са здароўем. У яго выявілі анкалагічнае захворванне.
АКТУАЛЬНЫ АДРАС РЫГОРА МОЖНА ЗНАЙСЬЦІ НА ЯГО АСАБІСТАЙ СТАРОНЦЫ НА САЙЦЕ ПЦ "ВЯСНА". АДТУЛЬ ЖА ПРАЗ АДПАВЕДНУЮ СПАСЫЛКУ МОЖНА ДАСЛАЦЬ ПАЛІТЗЬНЯВОЛЕНАМУ ПАШТОЎКУ.
"Валадарка, Валадарка..."
Валадарка, Валадарка,
Колькі ў назве той тугі.
Дзе жыццё ідзе не шпарка,
Быццам бы «на поўнагі».
Тут даўно ўсё змяшалась:
Час вякоў, што не забыт,
Лёсы ўсіх, каму дасталась
Паспытаць мясцовы быт.
У сценах гэтых гістарычных
Дух пакут ад даўніны.
Дуніна — часоў трагічных,
Коласа — начныя сны.
Ці прадставіць мог Пішчалаў,
Як тут доўгія гады
Усіх карала і знішчала
Сіла зла, людской бяды.
Два стагоддзі ўсё без зменаў
Адбываецца працэс.
І ў наш дзень да гэтых сценаў
Не дайшоў людскі прагрэс.
Ды надзеі не губляе
Годны люд, што тут сядзіць.
Волі сцяг шчэ залунае,
Каб свабодзе, праўдзе быць.
"У свеце ёсць шмат разнастайных краін..."
У свеце ёсць шмат разнастайных краін,
Жывуць дзе палякі, вугоры, румыны,
Квітнеюць яны, ці паўсталі з руін,
Раднейшы для нас – водар нашай Радзімы.
Блакіты азёр і прасторы палёў,
Што песцілі нас бесклапотным дзяцінствам,
Сцяжынкі да рэк, да шумлівых бароў –
Апора і повязь прад нашым адзінствам.
Куды б ні закінуў нас лёс у жыцці
Ды колькі б нам ліха наш шлях замінала,
Прыстойна і годна мы мусім прайсці
Яго, каб нас гэта ўсё болей яднала.
Усе мы: Алесі, Рыгоры, Змітры –
Сыны дарагой нам усім Беларусі!!!
І побач – Барысы, Міколы, Пятры…
Галіны, Паліны, Вальжыны, Андрусі…!!!
У мове і ў вершах, у светлых людзях, што ў цёмных месцах, – Беларусь Жыве.
“ВЕРШЫ З-ЗА КРАТАЎ — СУМЕСНЫ ПРАЕКТ “ВОЛЬНЫХ ПАШТОВАК” І НАРОДНАЙ АМБАСАДЫ БЕЛАРУСІ Ў БРАЗЫЛІІ”